Ai u prit ngrohtësisht në zyrën e Shoqatës Vizioni për Zhvillim dhe Kooperim (VZHK), ku u diskutua për projektet e realizuara dhe ato të ardhshme.
Vizita vazhdoi në kursin e rrobaqepësisë, ku u prezantua puna dhe përkushtimi i pjesëmarrësve të këtij programi për aftësim profesional.
Më pas, përfaqësuesi u takua me studentët që përfitojnë bursa nga Shoqata IHH NL, duke dëgjuar nga afër përvojat dhe sfidat e tyre.
Vizita vijoi në terren, ku u inspektuan serrat bujqësore të dhuruara nga VZHK, një projekt që ka ndikuar pozitivisht në zhvillimin ekonomik të zonës dhe mbështetjen e fermerëve lokalë.
Në përfundim, përfaqësuesi mori pjesë në një aktivitet të veçantë në Shkollën Fillore “9 Maji” në Leran, ku u dhuruan çanta për nxënësit.
Ky gjest simbolizon përkushtimin e vazhdueshëm të Shoqatës VZHK dhe IHH NL për përmirësimin e arsimit dhe mbështetjen e brezave të rinj.
Kjo vizitë forcoi edhe më shumë lidhjet e partneritetit dhe angazhimin për projekte të qëndrueshme në të ardhmen
.
Shërbimi për informim pranë– Vizioni për Zhvillim dhe Kooperim
27.12.2024 , Preshevë